Fréttir

Tíundi bekkur fór í sína árlegu vorferð að Úlfljótsvatni þann 25. - 27. Maí sl.. Nemendur lögðu undir sig staðinn með góðri framkomu, sinni einstöku samheldni og gleði og skemmtu sér konunglega.

Nemendur 10. bekkjar fóru á Skólaþing í febrúar sl. Auk þess að heimsækja framhaldsskóla og RÚV. Nemendur voru alveg hreint frábærir á Skólaþingi, tóku störf sín þar af alvöru og ábyrgð, tóku ákveðna afstöðu í málum og dugleg að láta skoðanir sínar í ljós.

Skólablaðið Sandkorn 2020 er komið á netið.

Vorhátíð Sandgerðisskóla var haldinn í gær. Í ár mætti Friðrik Dór og sló hann algjörlega í gegn eins og sjá má á meðfylgjandi myndum.

Árshátíð yngra stigs var stafræn þetta skólaárið. Hér má finna myndbönd frá nemendum í 1. – 6. bekk þar sem nemendur sömdu leikrit, dönsuðu og sungu. Í lok myndbandsins er kveðja starfsmanna til nemenda í 10. bekk. Njótið vel.

Miðvikudaginn 27. maí fór 7. bekkur í vorferðalag á Stokkseyri. Nemendur byrjuðu á því að heimsækja Draugasetrið og eftir það fengu þeir pizzuhlaðborð í Skálanum.

Árgangar 10. bekkjar í þremur efstu skólunum fengu peningaverðlaun og var Sandgerðisskóli í þriðja sæti. Í tilefni dagsins kom Kristín Lúðvíksdóttir verkefnastjóri Fjármálafræðslu og veitti nemendum bókargjöf, ásamt viðurkenningum.

Þriðjudagurinn 2.júní verður tvískiptur hjá nemendum. Vordagur fyrir hádegi eða frá kl.08:15 - 12:00 og svo skólaslit beint í framhaldi í kennslustofum kl. 12:00. Þar taka nemendur við vitnisburði sínum fyrir veturinn. Vegna aðstæðna í samfélaginu verða ekki formleg skólaslit á sal skólans og foreldar ekki viðstaddir skólaslit að þessu sinni.

Á mánudaginn fór 4. bekkur í vorferð innanbæjar, nemendur gengu niður í Vörðu þar sem þeir fóru í leiki, óðu í gosbrunninum og grilluðu pylsur.

Í síðastliðinni viku fóru nemendur í 3. bekk í vorferð í Húsdýragarðinn og Sólbrekkuskóg. Nemendur fengu að skoða flest dýrin og gáfu m.a. hænunum að borða. Þeim fannst þó flestum mest spennandi að sjá slönguna.