Fréttir

Ævar vísindamaður kom í heimsókn til okkar á bókasafnið í dag. Hann las úr nýjustu bókinni sinni ,,Þinn eigin tölvuleikur”. Hann spjallaði líka við nemendur um allar sínar bækur og sló heldur betur í gegn. Bækurnar hans Ævars eru margar hverjar í öðrum stíl en hefðbundnar bækur, en í þessum bókum getur maður valið nokkrum sinnum hvernig bókin endar.

Í dag tók Sandgerðisskóli þátt í Ólympíuhlaupinu (áður Norræna skólahlaupinu). Hlaupið er haldið ár hvert í öllum skólum á Norðurlöndunum og er það haldið til að hvetja nemendur til aukinnar hreyfingar.

Villi vísindamaður og Linda teiknari heimsóttu 3. og 4. bekk  og fræddu nemendur um hvernig á að skrifa og myndskreyta sögur. Óhætt er að segja að þau hafi slegið algjörlega í gegn! Vilhelm Anton Jónsson er söngvari og tónlistarmaður, kvikmyndaleikari og þáttastjórnandi í útvarpi og sjónvarpi og þar að auki barnabókahöfundur.

Þá er fyrsti hópurinn af fjórum búinn að klára sex vikur í hljómsveitarvali. Nemendur fengu að kynnast því að spila í hljómsveit og að syngja.

Nemendur í kökuskreytingarvali hjá Þorbjörgu hafa staðið sig með prýði. Nemendur byrjuðu valið á að æfa sig í skrautskrift og síðar bökuðu þeir kökur hjá Rannveigu heimilisfræðikennara.

Alþjóðlegi snúðadagurinn var haldinn hátíðlegur í skólanum í dag. 9. bekkurinn bauð upp á snúða frá Sigurjónsbakarí til sölu og fengu allir sem vildu eitthvað fyrir sinn snúð.