Setning Sandgerðisdaga í Grunnskólanum í Sandgerði

Setning Sandgerðisdaga, sérstaklega ætluð yngri kynslóðinni fór fram í Grunnskólanum miðvikudaginn 27. ágúst. Óli Þór, forseti bæjarstjórnar dró fána Sandgerðisdaga að húni með Ragnheiði Júlíu, yngsta nemanda skólans og Söndru Dís, elsta nemanda skólans, Sigrún, bæjarstjóri sagði nokkur orð og Ævar vísindamaður mætti í heimsókn. Undir lok dagsins var svo öllum nemendum skólans ásamt elstu nemendum leikskólans boðið í pizzapartý í boði Sandgerðisdaga. Ljómandi góður og skemmtilegur skóladagur með góðum gestum og tilbreytingu.