Nemendur 10. bekkjar komu afar vel út í samræmdum prófum

Til hamingju!

Frábær árangur nemenda á samræmdum prófum í 10. bekk. Niðurstöður úr samræmdum prófum í 10. bekk voru að berast. Nemendur 10. bekkjar stóðu sig afar vel og náðu þeim árangri að komast yfir landameðaltal í stærðfærði. Meðaltal árgangsins er yfir þeim markmiðum sem skólinn setti sér í framtíðarsýn sinni og árangur skólans sá þriðji besti á Reykjanesi.

Landsmeðaltal er 30 og meðaleinkunnir árgangsins eru:

• 28,38 í íslensku

• 31,25 í stærðfæði

• 28,93 í ensku

Þetta er besti árangur skólans í ensku og stærðfræði og annar besti árangur í íslensku. Tíundi bekkur í fyrra náði meðaltalinu 28,78 í íslensku.

Eins og sést á meðfylgjandi tölum er þetta afar góður árangur og fyllsta ástæða til að óska nemendum til hamingju með hann.

Óskum öllum hlutaðeigandi; nemendum, kennurum og foreldrum, hjartanlega til hamingju með árangurinn. Sérstaka athygli vekur einstaklega góður árangur í stærðfræði.