Ljósið - Fimm vitar

Alþjóðlega listahátíðin Ferskir vindar á Íslandi er nú haldin í sjöunda sinn í Suðurnesjabæ. Að þessu sinni stendur hátíðin yfir frá 15. desember 2022 til 15. janúar 2023 undir listrænni stjórn Mireyu Samper. Þema hátíðarinnar í ár er „Ljósið“.

Að því tilefni komu þrír listamenn hátíðarinnar sem gestakennarar í myndlistarval til okkar í Sandgerðisskóla. Í valinu fengu nemendur frjálst val um að teikna og eða mála myndir af þeim fimm vitum sem eru í Suðurnesjabæ. Verk nemenda verða til sýnis í húsnæði Byggðasafnsins á Garðskaga frá deginum í dag föstudag, laugardag og sunnudag frá kl. 12:00 – 20:00.

Smellið hér til að sjá fleiri myndir.