Lestrarátak í fullum gangi - Indíánaþema

Lestrarátak Grunnskólans í Sandgerði er í fullum gangi þessa dagana og verður til 20. febrúar.  Að þessu sinni er indíánaþema.  Nemendur lesa í lágmark  15 mínútur á dag í skólanum og 15 mínútur á dag heima hjá sér.  Þeir skrá mínúturnar í indíánabókina sína og safna þannig mínútum, við lok átaks fara nemendur svo í lestrarpróf.  Eins og sjá má á meðfylgjandi myndum eru margir duglegir höfðingjar að lesa í skólanum.  Dagana fyrir hátíðina búa nemendur til indíánahöfuðbönd í skólanum með fjöðrum þar sem þeir fá eina fjöður fyrir hverja 60 mínútur sem þeir lesa (nemendur í 1. – 3. bekk fá fjöður fyrir hverja 30 mínútur).

Lokahátíð lestrarátaksins verður á sal skólans 26. febrúar kl. 10.25, þar verða veittar viðurkenningar fyrir mestar framfarir og áhugsemi og dugnað.  Á lokahátíðina mæta nemendur með indíánahöfuðböndin sín og í indíánafötum ef þeir eiga.