Kennaranemar í 7. FS

7. FS var svo heppin að fá kennaranemana Jónu og Hrefnu í tvær vikur. Þær fengu að spreyta sig á kennslu 7. bekkjar, þar sem þær voru með námsleiki, þema og þrautir.

Nemendum þótti gaman að hafa þær og þökkuðu þeim vel fyrir samstarfið.

Þegar þær spurðu nemendur um hvað þær þyrftu að gera til að vera góður kennari, sátu nemendur ekki á svörunum.

Nemendur nefndu t.d.:

Að kennaranum á að þykja vænt um nemendur sína

Að kennarinn á að hlæja og brosa

Að kennarinn á ekki að reiðast ef einhver leiðréttir og þannig alltaf hafa rétt fyrir sér

Að kennarinn geti útskýrt betur en bókin

Að kennarinn sé strangur án þess að öskra

Nemendur enduðu daginn með kennaranemum á að sýna þeim hvernig eigi að fara á snjóboltastríð án þess að meiða hvort annað.