Jólaskemmtun - Litlu jólin - Jólaleyfi.

Kæru nemendur og foreldrar/forráðamenn.

Fimmtudaginn 17. desember verður jólaskemmtunardagur hjá nemendum og hátíðarmatur í matsal. Jólaskemmtun verður rafræn í ár og verður hún sýnd inní heimastofum nemenda ásamt því að vera sett á heimasíðu skólans fyrir foreldra og aðstandendur.

Nemendur í 1. - 7. bekk mæta í skólann kl.08:15 og lýkur skóladegi þeirra að loknum hátíðarmat. Nemendur í 8. - 10. bekk mæta í skólann kl.09:00 og lýkur skóladegi þeirra að loknum hátíðarmat.

Skiptingin verður eftirfarandi:
.    6. og 7. bekkur í mat 11:00 - 11:30
.    1. - 4. bekkur frá 11:30 - 12:00
.    5. og 8. bekkur frá 12:00 - 12:30
.    9. - 10. bekkur frá 12:30 - 13:00.

Skólasel opnar fyrr þennan dag fyrir þá nemendur sem eru þar skráðir.
17. desember er seinasti dagur nemenda á Skólaseli fyrir jólaleyfi. Skólasel opnar aftur þriðjudaginn 5. janúar 2021.

Föstudaginn 18. desember verða litlu jólin haldin.
Nemendur mæta prúðbúnir, með pakka (má kosta 500 -1.000kr), kerti og smákökur/mandarínur í sínar heimastofur kl.10:00. Skóladegi nemenda lýkur kl.11:00

Jólaleyfi nemenda hefst mánudaginn 21. desember. Skólinn hefst aftur að loknu jólaleyfi þriðjudaginn 5. janúar 2021, samkvæmt stundaskrá.

Við óskum ykkur gleðilegra jóla og farsældar á komandi ári. Við þökkum ykkur fyrir ánægjulegt og gott samstarf á árinu sem er að líða.
Megi komandi ár verða farsælt og gjöfult í leik og starfi.

Með jólakveðju,
starfsfólk Sandgerðisskóla