Gleðilegt sumar

Sumarfrí nemenda hófs að loknum skólaslitum og útskrift nemenda 5. júní, kennarar og annað starfsfólk hefur einnig verið að hefja sitt sumarleyfi eitt af öðru. Skrifstofa skólans er lokuð fram til 6. ágúst en skólastjórnendur, húsvörður og skólaliðar verða áfram við störf fram á sumarið. Bókasafn skólans verður opið í allt sumar samkvæmt auglýstum opnunartíma en þar er sumarlestur í fullum gangi og mikil gróska hjá bókaormum bæjarins.

Skólasetning mun fara fram fimmtudaginn, 21. ágúst. Þá mæta allir nemendur í skólann en starfsfólk verður mætt vikuna áður, þá fara fram námskeið, endurmenntun og fjölþættur undirbúningur. Innkaupalista verður hægt að nálgast frá og með 18. ágúst, hér á heimasíðu skólans.