Fróðleiksfúsi - Heimboð á Þekkingarsetrið

Nemendum úr 2. bekk í Sandgerðisskóla og Gerðaskóla var boðið á kynningu á verkefninu Fróðleiksfúsi sem er spennandi og fróðlegt fræðslu- og barnamenningarverkefni sem nú er til taks í Þekkingarsetrinu.

Fróðleiksfúsi, er gagnvirkur fræðsluleikur fyrir fróðleiksfúsar fjölskyldur sem byggður er á eldri náttúrugripasýningu sem staðið hefur Þekkningarsetrinu allt frá árinu 1995.

Á kynningunni var nemendum gefinn kostur á að prófa leikinn í spjaldtölvum. En þess má geta að Þekkingarsetrið opnar fyrir almenning í byrjun maí og stefnt er að þýðingu leiksins á tvö önnur tungumál fyrir þá opnun. Þá mun verkefnið einnig hlaða utan á sig ýmsum viðbótum á komandi misserum. Eftir að nemendur höfðu fengið að prófa Fróðleiksfúsa var þeim boðið upp á veitingar.

Nemendur voru mjög ánægðir með kynninguna og þakka Þekkingarsetrinu kærlega fyrir boðið. Myndirnar tala sínu máli.

Smellið hér til að sjá fleiri myndir