- Fréttir
- Skólastarfið
- Nemendur og Foreldrar
- Myndir
- Starfsfólk
- Um Skólann
Jólastöðvar, jólamatur og jólasöngur Jólin hafa svo sannarlega tekið völdin hjá okkur í Sandgerðisskóla, en á föstudaginn sl. var hinn árlegi jólamatur. Í ár var boðið uppá kalkún, ís og jólaöl. Salurinn var jólaskreyttur og var spiluð jólatónlist. Undafarna morgna hafa nemendur og starfsfólk sungið saman jólalög á sal skólans, undir leiðsögn Óla Þórs. Í morgun var síðasti jólasöngurinn og fékk því Óli Þór 10. bekkinn til að koma upp á svið og stýra söngnum með sér. Með fréttinni fylgir skemmtilegt myndband af öllum nemendum syngja Snjókorn falla. Smellið hér til að hlusta á söngin. Í Sandgerðisskóla hefur skapast hefð fyrir því að vera með jólastöðvar í aðdraganda jóla. Jólastöðvarnar eru fjölbreyttar og nemendum er skipt upp í hópa þvert á árganga frá 1. – 10. bekk. Í ár var allskonar föndur, kókoskúlugerð, slökun, leikir, spil, perlur og jólakortagerð. Á fimmtudaginn kl. 12:00 er jólaskemmtun hjá nemendum í 1. – 6. bekk og á föstudaginn kl. 10:00 – 11:30, eru litlu jólin en þau enda á jólaballi, þar sem nemendur og starfsfólk dansa í kringum jólatréð.
Skólastræti | 245 Suðurnesjabæ Sími á skrifstofu: 425 3100 Netfang: grunnskoli@sandgerdisskoli.is |
Skrifstofa skólans er opin frá |
Tilkynningar um leyfi eða veikindi nemenda: 425 3100 / grunnskoli@sandgerdisskoli.is