Ábendingalína Barnaheilla

Í tilefni alþjóðlega netöryggisdagsins 7. febrúar 2023, gefa Barnaheill út nýtt veggspjald til að vekja athygli á Ábendingalínu Barnaheilla. Veggspjaldinu er dreift í grunn- og framhaldsskóla, félagsmiðstöðvar, sundlaugar, íþróttamiðstöðvar og bókasöfn.

Veggspjaldið er hannað með það í huga að einfalt sé fyrir börn að nýta sér það og komast með einu skanni inn á Ábendingalínuna.

Mörg börn verða fyrir ýmsum óþægindum, svo sem ofbeldi og áreiti á netinu og það er mikilvægt að þau hafi aðgang að einfaldri leið til að tilkynna um það og kalla eftir aðstoð til að fjarlægja eða stöðva ofbeldið.

Á heimasíðu skólans er komin hnappur sem vísar beint á Ábendingalínu Barnaheilla.