10. bekkur Sandgerðisskóla í þriðja sæti í fjármálalæsi

Fjármálaleikar voru haldnir í þriðja sinn nú í ár. Alls tóku 550 nemendur í 30 grunnskólum víðsvegar á landinu þátt og svöruðu spurningum er snúa að góðu fjármálalæsi. Keppnin var æsispennandi og ekki ljóst fyrr en í blálokin hvaða þrír skólar væru efstir.

Keppnin kallar á samvinnu nemenda og að hver og einn svari vel og vandi sig því þegar upp er staðið er þetta keppni milli skóla þar sem meðalskorið gildir.

Árgangar 10. bekkjar í þremur efstu skólunum fengu peningaverðlaun og var Sandgerðisskóli í þriðja sæti. Í tilefni dagsins kom Kristín Lúðvíksdóttir verkefnastjóri Fjármálafræðslu og veitti nemendum bókargjöf, ásamt viðurkenningum.

Við óskum 10. bekk innilega til hamingju með þennan flotta árangur.